Broken Pieces | Episode 1 - Season 1 | English Subtitle

14 жилийн өмнө эмнэлгийн андуурагдлаас болж Гүлсэрэн болон баян чинээлэг Дилара, Цихан Гүрпынар нарын нярай охид хоорондоо солигдсоноор энэхүү түүх эхэлдэг. Хувь тавилангийн эрхээр ядуу зүдүү амьдралтай Гүлсэрэнгийн гар дээр өссөн Хазал охин өөрийн амьжиргааны түвшинд сэтгэл дундуур, баян амьдралыг мөрөөдөн ээжийгээ байнга басамжлан харьцдаг бол, Цихан болон Дилара нарын гэрт өссөн Кансу охин морин спортоор хичээллэж, ээжийнхээ өндөр шаардлагад хүрэх гэж хичээж яваа даруухан нэгэн болж өсдөг. Охидын нэг Кансу морин спортын тэмцээнд хоёрдугаар байр эзэлснийхээ дараа ээжийнхээ сэтгэлд хүрээгүй дээ гомдон, ослоос болж эмнэлэгт хүргэгдэхэд хийгдсэн цусны шинжилгээгээр аймшигтай үнэн илчлэгдэнэ. Эмч нар Кансуг Цихан, Дилара нарын хэн алинаас нь ч төрөөгүй, биологийн охин нь биш гэдгийг ДНХ-ийн шинжилгээгээр тогтоож, Циханд мэдэгдсэнээр тэдний амьдрал орвонгоороо эргэнэ. Энэ үед Гүлсэрэн ажлын байрны бэлгийн дарамт, санхүүгийн хүндрэл, Хазалын гаргаж буй ааш зантай тэмцэж, нөгөө талд Цихан өөрийн төрүүлсэн жинхэнэ хүүхдээ хайж олохоор шийдсэнээр үйл явдал цааш үргэлжилнэ.